Gəncə Şəhərində Kommunal Təsərrüfatı Üçün Yeni Texnikalar Alınıb

Gəncə Şəhər İcra Hakimiyyətinin başçısı Niyazi Bayramov Mənzil Kommunal Təsərrüfatı İstehsalat Birliyinin (MKTİB) İnzibati işlər və təsərrüfat şöbəsinə gətirilən yeni texnikalarla tanış olub və baxış keçirib.

Bərk Məişət Tullantılarının İdarə Olunması Layihəsi

Şəhər rəhbərinə verilən məlumata əsasən, Avropa Yenidənqurma və İnkişaf Bankı (AYİB) ilə Azərbaycan Hökumətinin birgə maliyyələşdirdiyi layihə həyata keçirilir. Gəncə Şəhər İcra Hakimiyyəti tərəfindən icra olunan “Bərk məişət tullantılarının idarə olunması” layihəsi çərçivəsində ümumilikdə 34 ədəd xüsusi təyinatlı nəqliyyat vasitəsinin satın alınması nəzərdə tutulur.

Tender Müsabiqəsi və Təhvil Verilən Texnikalar

Qeyd olunan nəqliyyat vasitələrindən 3-ü üzrө tender müsabiqəsi artıq yekunlaşmışdır. Təchizatçı şirkət tərəfindən MKTİB-ə 1 ədəd kompaktor, 1 ədəd buldozer və 1 ədəd ekskavator təhvil verilmişdir.

Texniki İmkanlar və Tapşırıqlar

Niyazi Bayramov təqdim olunan texnikalara yerində baxış keçirərək onların texniki imkanları ilə yaxından tanış olub. Şəhər rəhbəri yeni texnikaların şəhərin kommunal təsərrüfatında səmərəli şəkildə və təyinatı üzrə istifadəsinin təmin edilməsi istiqamətində müvafiq tapşırıqlar verib.